Aizawl, the 20^th March, 2026: Zirtawpni khan Sports Minister Pu Lalnghinglova Hmar chuan a pisaah Khelo India Executive Director, Lt. Col. Kabilsan Sai Ashok a kawm a, Khelo India hnuaia hmalak theihna hrang hrang an sawi dun.

Pu Lalnghinglova Hmar chuan Mizore chu infiamna ngaina tak an nih thu sawiin, "Mahse, India ram state dang nena khaikhin pawhin medal kan la tam thin lo. Hemi siamtha tur hian training dik leh a hun taka mumal taka training kan neih a ngai a ni," a ti a, Mizorama infiamna hrang hrangten hmansawnna tura an mamawhte a sawi.

Sports Minister-in mamawha tarlan zingah Khelo India State Centre of Excellence (KISCE) a High Performance Manager lak theihna tura ngaihhnathiamna awm a tul thu leh Mizoramah mipa naupang tan Hockey Academy changtlung tak din a ngaih thute a tel a ni.

Lt. Col. Kabilsan Sai AShok chuan Khelo India Mission thar kalpui dan tur a sawifiah bakah, Mizoram Sports Minister-in harsatna leh mamawh a sawi chungchangah hmalak thei dante tarlangin,"Coaching tha neih a pawimawh," a ti a, Mizoramin infiamna zirna a kalpui hrang hrangte chu Khelo India hnuaia changtlung zawk a nih theihna tura ziahluh awlsam dan a sawifiah.

Thutkhawmah hian MSSC Secretary Pu Henry C. Lalrawnkima chuan Mizoram Sorkarin Bana Kaih hnuaia 'Empowering Mizoram Sports' a kalpui dan chu a lem nen sawifiah in, Olympic Games 2036 thlira Mizoramin hma alak dante thlirho a ni.

Attachment