Aizawl, the 9th March, 2024: Vawiin chawhma dar 11:00 khan Mizoram State Sports Council Executive Committee-in, Hawla Indoor Stadium, Republic Vengthlangah, Sports & Youth Services Department Minister leh MSSC President ni bawk, hovin meeting an nei a. He hunah hian MSSC inrelbawlna hrang hrang sawiho a ni.
MSSC President Lalnghinglova Hmar chuan, "Sports ah tih tur hrang hrang atam hle a, heng zingah hian hruaitu nih hi voluntary a ni. Kan tha sen zawng zawng sum a chantir dawn chuan a tam tham hle ang. Kan inpekna zawng zawng a man hmuh let tuma pawl kan hruai anih erawh chuan kan inpekna thinlung a fuh lo ang" a ti a. "Hetiang hruaitu Sports association zingah kan lo awm a nih chuan kan chawlh hahdam mai a tha zawk awm e" a ti.
MSSC Executive Committee meeting hian Sports Associations thenkhat MSSC recognition dilna chungchangte, Mizoram State Sports Council hnuaia Committee peng hrang hrang member inruatna te, recognised sports discipline zawng zawng te'n Mizoram Incentive Cash Award Scheme 2020 hnuaia incentive dawng ve thei tur a sawrkar hnena rawtna thlen chungchang te, recognised sports association te'n incentive an dawn theih dan tur chungchang te, Mizoram State Sports Council Golden Jubilee lawm dan tur chungchang te leh thil dang pawimawh tak tak te rel a ni.
Attachment
