Aizawl the 24th of September, 2026: Vawiin khan Sports and Youth Services Minister Pu Lalnghinglova Hmar chuan “Education and Awareness Session on Doping” Sports and Youth Services Department bustsaih chu Conference Hall, Commissioner of State Tax, MINECO-ah Khual Lian niin a hmanpui.
Minister chuan infiamna dan kalha intihchakna (doping) hi Mizoram-ah chuan infiamnaah mi tam tak tan thil thar a ni a, a thlen hmaa kan do a, awareness a bik takin coach ten kan neih that a pawimawh a ni a ti a. National Anti- Doping Agency chuan doping chu infiammiten an hman loh nan leh dik leh fair taka inelna a awm theih nan nasa takin hma à la zel a, in hrilhhriatna hun coach leh trainers te hnena pek a ni thei chu lawmawm a tih thu a sawi bawk. Pu Lalnghinglova Hmar chuan Sawrkar laipuiin kum 2036 ah India ramin Olympics thlen tumin hma à la zel a, Mizoram Sawrkar pawhin Mizo infiammite India aiawha an tel ve ngei theih nan theihtawp a chhuah zel a, Empower Mizoram Sports chu kalpuiin sports discipline 8 hnuaiah naupang kum 8-15 inkar training ngawr takin pek an ni a ti a.
Minister chuan international level thleng pha tur chuan trainers leh coach te tan tlan a ngaih thu leh tun anga theih tawp kan chhuah chuan infiamna lamah Mizo te chuan nasa takin hma kan sawn zel a beisei thu a sawi a ni.
Vawiin hun hi Pu Henry C. Lalrawnkima, Director, Sports and Youth Services chuan a kaihruaia, chawhnu session-ah Resource Person Pu Pankaj Singhal, Dope Control Officer cum Educator, National Anti-Doping Agency hnen atangin zirtirna ngaithlak niin program-ah hian trainers leh coach 75 an tel a ni.
Attachment
Written by: Biaknungi, MIS, DIPRO - MAMIT
