Aizawl the 11th February, 2023: Vawiin khan Sports Minister Pu Robert Romawia Royte, Pu Lawmawma Tochhawng MLA & Vice Chairman HPC, Er. H. Lalzirliana, MLA & Road & Infrastructure Board Vice Chairman te, Dr. K. Pachhunga, MLA & Vice Chairman, Bamboo Development Board te chuan Lengpui daia MSSC-REC Motorsports Racing Track siam hnathawh lai an enhova, Officials te leh Mizoram Motorsports Association hruaitute leh Lengpui VC & NGOs ten an tawiawm a ni.
A hmuna Function tawite buatsaihah Report tawi sawiin Pu John Tanpuia, Secretary Mizoram State Sports Council chuan he project atana sum Rs 750 lakh chu REC in an CSR Fund atanga a pek anih thu sawiin SASCI atangin Rs 800 lakh chu sanction hmuh a ni bawk tiin he Racing tract hi 2.17 kms a thui niin a zauh zawng chu 12 metres a ni a,international standard a siam tum a nih thu a sawi bawk. Tih changtlun zel tum anih thu a sawi bawk.
Sports Minister Pu Robert Romawia Royte, Sports Minister pawhin thusawiin Pu J. Lalhmingliana te chhungin Joseph Zosangliana Complex tia koh tak ram zau tak an donate avangin lawmthu a sawi a, MSSC-REC Motorsports Racing Track Mizoramin kan neih tur hi Eastern India a a hmasaber tur a ni a, kan ram tan a hlut dawn em avangin Department Officer leh Contractor tepawhin theih tawp chhuah se a duh thu a sawi bawk. He huna tel ve Pu Lawmawma Tochhawng, MLA pawhin thusawiin hun reilote chhunga nasa taka hnathawh a ni chu ropui a tih thu sawiin foreign rama awm tura ngaih Racing Track te CM zahawm tak Pu Zoramthanga leh Sports Minister zahawm tak Pu Robert Romawia Royte nachang hriatna avangin Mizo thalaite an vannei dawn a ni a ti.
Bialtu MLA Er H Lalzirliana pawhin a bial chhunga hmasawnna lian tham a awm thar leh tur chu lawmawm a tih thusawiin hnathawktuten chak taka an thawh zel a beisei thu a sawi bawk.
He meeting hi Lengpui VCP Lallawmthangan kaihhruaiin Mizoram Motorsports Association (MIMSA) aiawh te pawhin thu an sawi a, he hmun entute hian zanriah an kilho bawk a ni.
Attachment
