Aizawl, 16^th May, 2025 : Vawiin chawhma dar 11:00 khan D.C. Pisa Pui Hall-ah, Aizawl District huam chhunga Sports Discipline hrang hrang Association  hnenah Aizawl District Sports Committee (ADSC) buatsaihin Promotional Fund semna hun hman a ni.

He hun hi Pu Lalngilneia Colney, District Sports & Youth Officer, Aizawl District & Member Secretary, Aizawl District Sport Committee in a kaihhruai a,  Er. Lalhriatpuia IAS, Deputy Commissioner, Aizawl District & Chairman, Aizawl District Sport Committee chuan Association hruaitu lokal khawmte hnenah fuihna thu a sawi a, Thalaiten hriselna tha an neih theihnan leh infiamna lamah eizawn tha tak a awm thu sawiin, ruihhlo in kan ram min tihbuai nasatna lak ata sutkianna atana tha ber chu sports a nih thu a sawi bawk.

Promotion Fund hi Sports Discipline hrang hrang 11 hnenah Rs. 25,000/- theuhin Association tin hruaitute hnenah Chairman, Aizawl District Sport Committee hian a hlan nghal a ni.

Aizawl District Sports Committee hi kum engemaw ti chhung a khaih lak hnuah kum 2023 khan bul tan that leh niin, mumal taklin a kal chho mek a ni.

Attachment