Aizawl, the 8^th February, 2024: Vawiin khan Pu Lalnghinglova Hmar, Minister, Sports and Youth Services (SYS) leh sorkar laipuia Ministry of Youth Affairs and Sports-a Youth Department Secretary Pi Meeta Rajivlochan te chu New Delhi-ah an inkawm.

He hunah hian SYS Minister Pu Lalnghinglova Hmar chuan Mizoramin Sports lam a hmelhriat that viau rualin Youth Affairs lamah tan lakna tur a la ngah thu sawiin, hemi kawnga tanlakpui turin Secretary chu a sawm a. Mizorama lo zina Mizoram dinhmunte a taka hmuhpui turin a sawm bawk.

Youth Affairs hnuaia Mizorama Youth Hostel kan neihte chu a building a hlui tawh thu leh sak that a hun tawh thu Minister-in a thlen chu hma a lakpui tur thu a lo hrilh a. Pi Meeta Rajivlochan chuan thalaite tana Ministry of Youth Affairs and Sports-in programme hrang hrang a siamte hmang tangkai turin Mizo thalaite a sawm a, inziah luhna tura siam mi tin ban phak mybharat.gov.in chu hmang tangkaia inziak lut theuh turin a sawm bawk.

Attachment