Aizawl the 15th October, 2021: Mizoram a Table Tennis inelna sangber - 36th Mizoram State Senior and Youth Table Tennis Championships, 2021 chu Mizoram Table Tennis Hall, Mission Veng, Aizawl-ah tluang taka zawh fel a ni. 
State Championships ah hian district hrang hrang atangin players 76 tel in, Category hnih (2) - Youth leh Senior Category-ah te inelna neih  a ni.
He inelna hi sawrkarin tunlai hrileng laka invenna atana  kaihhruaina a siam SOP bawhchhelo a buatsaih a ni a, engtik lai mah a Hall a leng zat tur bithliah zat pel lovin leh, players leh officials te bak entu awm lovin buatsaih a ni. 
Tournament kharna hun hi Pu John Tanpuia, Secretary, MSSC chuan a hman pui a, MTTA  hotute leh Organizers te'n hripui laka invenna dan sawrkar in a siamte mila inelna pawimawh leh lian tham tak nei thei tur a ruahmanna an siam thiam hi fakawm a tih thu a sawi a, inelna a tel zawng zawng te'n  hma an sawn zel theihna turin taima taka bei sauh sauh turin a chah bawk a ni. 
Results tlangpui te:
1. MENS SINGLES CHAMPION -  SUNIT KUNDU (TECHMAZE)
2. WOMENS SINGLES CHAMPION - LALTHANSANGI SAILO (TECHMAZE)
3. YOUTH BOYS CHAMPION - THANGSIANSANGA (TECHMAZE)
4. YOUTH GIRLS CHAMPION - MALSAWMTLUANGI (TECHMAZE)
Players te hi national level tournament hrang hrang a tel turin an inpuahchah chho mek zel a ni.


Attachment