Aizawl, dated October 26th, 2025: Australian Olympian leh Heptathlete Tori West chuan nimin tlai 4:00 khan RG Stadium-ah amah hmu tura inziaklut Mizo infiammite a kawm.
Tori West hi October ni 21 khan Aizawl a rawn thleng a, a rawn thlen ni atang hian MSSC naupangte training a pe nghal. Mizoram chuan Olympic 2036-ah Mizo a tam thei ang ber an tel theihnan 'Vision 2036' a kalpui mek a, Tori West lo kal pawh hi he vision hlawhtlin theihna kawng pawimawh a ni.
Tori West hian Paris Olympic 2024-ah Australia ai a awh a, kum 2020 leh 2025 khan Australian champion a ni. Tunah hian Commonwealth Games 2026 atan a inbuatsaih chho mek bawk a ni.
Tunah hian MSSC leh Mizoram Athletics Association-te nen an thawk dun a ni.
Tori West hi Heptathlete niin Heptathlete-ah hian infiamna pasarih 100metres hurdles, 200metres, 800metres, shotput, high jump, long jump leh javelin throw a awm. Heng zawng zawngah hian Mizo infiammite training a pe thei vek a ni.
Attachment
