Dated Aizawl, the 23rd May, 2026: YONEX SUNRISE PC GABRIEL LALLIANSANGA Memorial MBA Junior Championship 2026 chu May 19-23, 2026 chhungin Ramhlun Indoor Stadium-ah hlawhtling taka khelh zawh niin, Prize money ah Rs. 1,11,900 sem ral a ni. A tel zawng zawng te hnenah he tournament sponsor tu Pu PC Lallawmsanga, IPS (Retd.) te chuan thilpek an pe vek bawk. Vanlalhruaia Sailo leh Lalruatkimi ten Title pathum ve ve la in an langsar hle.
Vanlalhruaia Sailo, Chaltlang Badminton Club leh New Serchhip Badminton Club player Lalruatkimi te chu an telna category zawng zawng ah champion in, TRIPLE CROWN an ni.
Vanlalhruaia Sailo hian U19 Boys Singles-ah Remruatkima, Kulikawn Badminton Club chu hnehin a champion a, Isak Vanlalhmangaiha, New Serchhip Badminton Club nena tangkawpin U19 Boys Doubles title an la bawk. Tin, H. Lalrinhlui, Chaltlang Badminton Club nen U19 Mixed Doubles title an la leh bawk a ni. Vanlalhruaia Sailo hi ITM Academy, Raipur a training lai mek niin, TATA TRUSTS / NEIDA te nena thawhhona kal zela training a ni a, kumin hi under 19 category a a kum khatna (first year) niin, nakum lamah pawh a la in lan thei dawn a ni. Tun dinhmun a dintheih chhan pakhat a club khelh mekna CTBC chungah lawmthu a sawi a ni.
New Serchhip Badminton Club player Lalruatkimi pawhin a telna category zawng zawng ah champion in a TRIPLE CROWN bawk. U13 leh U11 Girls Singles title a la a, Rosalyn Remlalmuani, Saron Badminton Club nena tangkawpin U13 Girls Doubles title an la bawk. Lalruatkimi hi Coach Tluanga'n Serchip ah a enkawl mek a, a pa Pu Lalremruata pawn an club NSBC leh Sir Tluanga chungah lawmthu a sawi a ni.
H. Lalrinhlui, Chaltlang Badminton Club chu U19 Mixed Doubles a lak bakah Girls Singles U19 title a la a, Lalruattluanga Tlau, NSBC chu U17 Boys Singles leh Boys Doubles title la in category hnih ah a champion thei bawk a ni.
Zoramthari, Sihphir Badminton club chuan U17 Girls Singles title a la a, U19 Mix Double leh U 19 Girls Single ah erawh Runner-up a ni thung.
Under-15-hmeichhia ah T. Lalmuanpuii, Chhinga Veng Badminton Club chuan rorel in, Girls Singles ah a champion a. Girls Doubles ah Lalthakimi, NSBC nen an champion bawk a ni.
Under 15 Boys lamah K. Liansangzela, CTBC hneh thei an awm lo a, Singles leh Doubles ah a champion. Doubles ah hian V. Lalhmingmuanpuia, CTBC nena inkawpin an champion bawk a ni.
Under-13 ah Mark C. Lalrinsanga, Saron Veng Badminton Club chu Boys Singles ah Champion a. Lalmalsawma Lianhna leh Zothanpuia Chhangte, MVBA ten Boys’ Doubles title an la thung a ni.
Under-11 boys singles ah Mark C. Lalrinsanga, Saron Veng Badminton club chu a champion a ni.
He tournament hi Mizoram badminton tana hma lam hun thlirna pawimawh tak a ni a, Player naupang zawkten coaching regular taka an kal chuan rah tha a chhuah mek zel ni in a lang. Chaltlang Badminton Club leh New Serchhip Badminton Club player te category pasarih ve ve ah an champion thei a ni.
He tornament hlawhtlina atana sponsor tu te zawng zawng- a bik takin main sponsor Pu PC. Lallawmsanga, IPS (Retd) te chungah MBA chuan lawmthu a sawi a, Zonet in TV leh Youtube lamah an live sak avangin lawmthu an sawi tak meuh bawk a, MSSC te nena thawhhona avanga tun tournament pawh hi buatsaih thei an nih avangin MBA chuan lawmthu MSSC chungah an sawi bawk a ni.
Attachment
