Aizawl 2nd June, 2023: MSSC Tata Trusts Grassroots Football Academy State Level Championship chu June ni 1, 2023 khan Final Match, Rajiv Gandhi Stadium, Mualpui ah neih zawh niin, tluang taka zawhfel a ni.
He inelna ah hian chakber nih tumin hun hmalama lo neih tawh District tina centre hrang hrang inelna a Champion Team theuh te an in hmachhawn a, Round Robin League-a an inkhelh kual vek hnuah Finalists - Mamit District Champion - Zawlnuam Centre chuan, Aizawl District Champion - Republic Veng Centre-te chu inkhel hmuhnawm takah, Lalrotluanga (9’) leh Hruaihlupuia (4’) te goal hmangin, hun pangaiah 2 - 0 a hnehin an Champion ta a ni.
Lawmman Sem inkhawmna hi Khuallian, Sports Minister, Pu Robert Romawia Royte chuan hman puiin, tournament a team zawng zawng ten state level final an thlen theih avangin a lawmpui thu a sawi a, players te theihtawp chhuah a, tumruhna leh chhelna nen inkhel turin a fuih a ni. Pu Roberta chuan grassroots football academy chu sawrkarin a chhunzawm zel dawn a ti bawk.
Lawmman
Champion: Zawlnuam Centre, Mamit District, Rs. 15,000/-, Trophy & Certificate
Runner Up: Republic Veng Centre, Aizawl District, Rs. 10,000/-, Trophy &Certificate
3rd Place: Kolasib Centre Kolasib District, Rs. 8000/-, Trophy & Certificate
Lawmman sem inkhawm hi Pu TC Pachhunga, Vice Chairman, SEDP Sports Board leh Pu John Tanpuia MCS, Secretary, Mizoram State Sports Council, MSSC Member te leh mipawimawh dang ten an hmanpui a ni.
MSSC- TATA Trusts Grassroots Football Academy, Zawlnuam Centre players te leh officials zawng zawng te kan lawmpui a, an kal zel na tirah duhsakna kan hlan e.
Attachment
